Dy aksidente trafiku kanë përfunduar me fatalitet brenda 24 orëve të fundit në Kosovë, njofton Insajderi.
Njëri nga këto aksidente ka ndodhur në fshatin Bushincë të Novobërdës, ku i dyshuari derisa ishte duke drejtuar traktorin e tij, e ka humbur kontrollin duke përfunduar jashtë rruge.
Vdekjen e pasagjerit e ka konfirmuar ekipi mjekësor në vendin e ngjarjes, ndërsa ngasësi i traktorit është dërguar në Qendrën Klinike Universitare të Kosovës për trajtim të nevojshëm mjekësor.
Me vendim të prokurorit trupi i pajetë i viktimës është dërguar në IML për obduksion.
“Rr. Lokale, Bushincë-Carevc, Novo Bërdë, 03.06.2021-19:30. Është raportuar se i dyshuari mashkull kosovar duke drejtuar traktorin e tij ka humbur kontrollin duke përfunduar jashtë rruge. Përveç dëmeve materiale lëndime vdekje prurës ka pësuar pasagjeri mashkull kosovar, vdekjen e të cilit e ka konstatuar ekipi mjekësor në vendin e ngjarjes ndërsa i dyshuari është dërguar në QKUK për trajtim të nevojshëm mjekësor. Me vendim të prokurorit trupi i pajetë i viktimës është dërguar në IML për obduksion”, thuhet në njoftimin e Policisë.
Tjetri aksident që ka përfunduar me vdekjen e një personi, ka ndodhur gjatë mbrëmjes së djeshme në fshatin Hadonoc të Kamenicë.
Siç raporton Policia e Kosovës, i dyshuari duke drejtuar automjetin e tij, dyshohet se nga pakujdesia ka humbur kontrollin dhe ka përfunduar jashtë rruge në një mur.
Si pasojë lëndime vdekje prurës ka pësuar vetë drejtuesi vdekjen e të cilit e ka konstatuar ekipi mjekësor në vendin e ngjarjes.
Me vendim të prokurorit trupi i pajetë i viktimës është dërguar në IML për obduksion.
“Fsh. Hadonoc, Kamenicë, 03.06.2021-22:15.Është raportuar se i dyshuari mashkull kosovar, duke drejtuar automjetin e tij, dyshohet se nga pakujdesia ka humbur kontrollin dhe ka përfunduar jashtë rruge në një muri. Si pasojë lëndime vdekje prurës ka pësuar vetë drejtuesi vdekjen e të cilit e ka konstatuar ekipi mjekësor në vendin e ngjarjes. Me vendim të prokurorit trupi i pajetë i viktimës është dërguar në IML për obduksion”, thuhet në njoftimin e PK-së. /Insajderi.com