Kuvendi i Kosovës do të mblidhet nesër për të zhvilluar vazhdimin e seancës plenare të kaluar, njofton Insajderi.
Kështu është bërë e ditur nga Drejtoria për media dhe marrëdhënie me publikun e Kuvendit të Kosovës.
Duke filluar nga ora 09:00, deputetët parashihet të përfundojnë pikat e mbetura të seancës së kaluar.
Një orë më pas pritet që të nis seanca e re plenare, me tri pika të rendit të ditës, ndër to edhe interpelanca e kryeministrit Avdullah Hoti.
Rendi i ditës
3. Votimi i Projektligjit nr. 07/L-025 për ratifikimin e Marrëveshjes ndërmjet Republikës së Kosovës dhe Asociacionit Ndërkombëtar për Zhvillim lidhur me financimin e programit – nxitja dhe levimi i mundësive për sigurimin e ujit,
5. Votimi i Projektligjit nr. 07/L-035 për ratifikimin e Marrëveshjes së Kredisë për likuiditet të urgjencës së infrastrukturës vitale, ndërmjet Republikës së Kosovës dhe Bankës Evropiane për Rindërtim dhe Zhvillim,
6. Votimi i Projektligjit nr. 07/L-036 për ratifikimin e Kontratës Financiare ndërmjet Republikës së Kosovës dhe Bankës Evropiane për Investime për Projektin e Impiantit të Ujërave të Zeza në Gjilan,
7. Votimi në parim i Projektligjit nr. 07/L-013 për Peticione,
8. Votimi në parim i Projektligjit nr. 07/L-037 për ndryshimin dhe plotësimin e Ligjit nr. 02/L-31 për Lirinë Fetare në Kosovë,
9. Votimi në parim i Projektligjit nr. 07/L-026 për ndryshimin dhe plotësimin e Ligjit nr. 03/L-174 për Financimin e Subjekteve Politike, të ndryshuar dhe plotësuar me Ligjin nr. 04/L-058 dhe Ligjin Nr. 04/L-122 si dhe Ligjin Nr. 003/L-073 për Zgjedhje të përgjithshme në Republikën e Kosovës i ndryshuar dhe plotësuar me Ligjin Nr. 03/L-256,
10. Shqyrtimi i parë i Projekt Kodit Civil të Republikës së Kosovës nr. 07/L-019. /Insajderi.com
