Dy persona kanë vdekur dhe 150 të tjerë janë infektuar me Coronavirus brenda 24 orëve të fundit në Shqipëri, njofton Insajderi.
Siç bën të ditur Ministria e Shëndetësisë në këtë vend, janë regjistruar edhe 55 persona të shëruar nga ky virus.
“Vijojnë testimet dhe gjurmimi i rasteve të dyshuara në të gjithë vendin, ku në 24 orët e fundit janë kryer 809 testime dhe janë konfirmuar 150 të prekur me virusin SARSCOV2”, thuhet në njoftimin e ministrisë.
“55 qytetarë janë shëruar në 24 orët e fundit, duke e çuar në 6995 numrin e të shëruarve që nga fillimi i epidemies”, thuhet tutje në njoftim. /Insajderi.com