Dyshohet për kontrabandim me telefona, dogana aksion në Ulpianë

Në mesditën e së martës Dogana e Kosovës ka ndërmarrë në aksion në disa lokale ku shiten telefona e pajisje të ngjashme në Prishtinë.

Aksioni i policisë ka qenë i fokusuar kryesisht në lagjen Ulpiana, ku ka edhe koncentrim më të madhe të këtyre lokaleve, të cilat njihen edhe si “mobi-shop”.

Burime të Shqip.com brenda doganës bëjnë me dije se do të bastisin disa prej këtyre loklave, meqë dyshohet për keqpërdorime.

Sipas po të njëjtit burim, pritet të sekuestrohen edhe disa telefona dhe pajise të tjera, meqë ka dyshime se kanë hyrë në territorin e Kosovës në mënyrë të paligjshme, duke iu ikur obligimeve doganore.

Shqip.com merr vesh se disa nga lokalet që do të bastisen janë “Fita”, “Gega”, “Arsi” dhe “Asr”, por ka edhe të tjerë.

Mediumi ka siguruar edhe disa pamje amatore nga bastisja e lokaleve.

Aty shihen veturat e Doganës së Kosovës, tek futen për kontrolle dhe bastisje eventuale të pajisjeve ilegale.

Dogana zyrtarisht ende nuk ka dalur me një njoftim për aksionin. /Insajderi.com