Shumë peshqi kanë ngordhur si pasojë e ndotjes së lumit “Lepenc”.
Shoqata e peshkatarëve në Kaçanik, po e akuzon kompaninë e Naser Gurit, biznesmenit të burgosur për “gazin në QKUK” se po i helmon peshqit në lumin “Lepenc”.
Përmes një reagimi, ata kanë fajësuar pompën e benzinës “Bubeari-Petrol”, pronë e Gurit, për ndotjen e lumit, që si pasojë mbetën të ngordhur shumë peshqi, shkruan Insajderi.
Naser Guri, pronar i kompanisë “Buberari Komerc”, është liruar në vitin 2018, pas tre muajsh paraburgim. Ai ishte arrestuar në tetor si i dyshuar për vdekjen e tre pacientëve në QKUK.
Në shtator të vitit 2017, tre pacientë vdiqën në rrethana ende të panjohura. Pista kryesore e hetimeve të prokurorisë ishte gazi oksidul, të cilin kompania e Gurit e prodhonte pa licencë në Kaçanik dhe me të njëjtin furnizonte QKUK-në.
Në një video të publikuar në Facebook, por edhe në disa foto shihet se si është ndotur lumi, teksa shumë peshqi kanë ngordhur, sepse natyrisht nuk mund të mbijetojnë në kushte të tilla.
Policia në Kaçanik kanë thënë se kanë ndërmarrë veprimet lidhur me rastin e ndotjes së lumit “Lepenc”. /Insajderi.com
Pamje, shikoni peshqit e ngordhur në Lepenc të Kaçanikut ???
Gepostet von Sje Kaçanikli nese. ? am Samstag, 8. Juni 2019
