Islam Pacolli, ish-deputeti i AKR-së, një vit më parë nuk pranoi të kontrollohej kur u fut në parkingun e qeverisë.
Ky rast ishte bërë shkak që atë kohë deputeti i Kuvendit të Kosovës ta sulmonte një polic e më pas të ikte nga vendi i ngjarjes – për mos tu lajmëruar për një ditë të tërë, shkruan Insajderi.
Pacolli një ditë më vonë, më 13 qershor 2018, ishte paraqitur në stacionin policor dhe e kishte dhënë versionin e tij për rrahjen me policin, shkruan Insajderi.
Sot, kandidati që pretendon të bëhet deputet në zgjedhjet e jashtëzakonshme parlamentare, ka premtuar zhvillim ekonomik dhe hapje të fabrikave.
“Sot në takim me qytetarët e Ferizajt u ndjeva jashtëzakonisht i lumtur me përkrahjen e tyre”, ka shkruar Pacolli në profilin e tij në Facebook, njofton Insajderi.
“Ferizaji është qytet me traditë të madhe, andaj është obligim për çdo qeveri, që ta ketë prioritet, e sidomos në hapjen e fabrikave që do të mundësonin vende të reja të punës dhe zhvillim ekonomik të qëndrueshëm”.
insajderi.com