Pas një konflikti verbal, një person është goditur me armë zjarri dhe për pasojë ka pësuar lëndime të rënda.
Ngjarja ka ndodhur dje, e mërkure, në Suharekë në orët e vona të mbrëmjes, njofton Insajderi.
Policia raporton se tashmë viktima së bashku me një dëshmitar kishte shkuar tek shtëpia e një personi për të kërkuar një borxh dhe pas një konflikti verbal kanë filluar të godasin njëri tjetrin me grushte.
“Deri sa viktima dhe i dyshuari kanë qenë duke u përleshur fizikisht djali i të dyshuarit mashkull kosovar i moshës se mitur ka shkuar në shtëpi ka mare një armë dhe ka shtënë disa herë në drejtim te viktimës”.
Viktima është dërguar ne Spitalin e Prizrenit dhe sipas mjekut kujdestar gjendja e tij është e rëndë nga lëndimet që i ka marrë nga arma e zjarrit.
Në vendin e ngjarjes njësiti policor ka konfiskuar pistoletën me shtatë fishekë dhe dy gëzhoja.
Me urdhër të prokurorit është kontrolluar shtëpia e të dyshuarit, ndërsa i dyshuari është arrestuar dhe me vendim të prokurorit është dërguar në mbajtje./Insajderi.com