I dërguari i posaçëm amerikan për Ballkanin Perëndimor, Gabriel Escobar dhe përfaqësuesi i posaçëm i Bashkimit Evropian për dialogun Kosovë-Serbi, Miroslav Lajçak, do të vijnë në Kosovë këtë të hënë.
Vazhdimi i dialogut me Serbinë, i ndërmjetësuar nga BE-ja, si dhe mundësia për themelimin e Asociacionit të komunave me shumicë serbe, pritet të jenë dy çështjet në fokus të takimeve të dy emisarëve me krerët e shtetit dhe liderët politikë.
Madje, sipas njohësve të procesit të dialogut, liderëve institucionalë do t’i parashtrohen edhe kërkesat e sekretarit amerikan, Blinken për gjetjen e zgjidhjes për të pagjeturit dhe marrëveshjen për energjinë në veri.
Lajçak dhe Escobar do të qëndrojnë në Kosovë deri më 2 shkurt, kur do të nisen për në Beograd./Insajderi.com
