Mediumi Euronews ka shkruar për zgjedhjet në Kosovë ku thuhet se Albin Kurti gëzon mbështetje të madhe, sidomos nga të rinjtë.
Përmendet se ai më 14 shkurt “mund t’i fitojë” 40 deri më 50 përqind të votave.
Euronews raportoi për mos-kandidimin e Kurtit për deputet në këto zgjedhje shkak i një verdikti të nxjerrë nga Gjykata Kushtetuese.
“Njeriu i cili shihet si kryeministër i ardhshëm i Kosovës është një politikan 45-vjeçar, të cilit shkaku i gjuajtjes së gazi lotsjellës në parlament në vitin 2015, i është ndaluar të kandidojë në zgjedhje më 14 shkurt. Për shkak të ligjit “të çuditshëm” elektoral të Kosovës, Albin Kurti pritet që të shërbejë si kryeministër nëse dalin të sakta sondazhet, ku aktualisht thuhet se Lëvizja Vetëvendosje ka 40-50 për qind të votive”, shkruhet në artikull.
Përmendet mosha e re e kosovarëve, shpallja e pavarësisë së Kosovës, problem me Serbinë.
Rëndësi i kushtohet edhe koalicionit të dështuar ndërmjet Lëvizjes Vetëvendosje dhe Lidhjes Demokratike të Kosovës. /Insajderi.com
