Prej katër ditësh vijojnë protesta kundër vrasjes së të riut Klodian Rasha, ndërsa nuk kanë munguar tensionet dhe përplasjet ndërmjet qytetarëve dhe forcave Policisë së Shtetit, njofton Insajderi.
Familja e Klodian Rashës me një letër publike kërkon që të ndalet dhuna, pasi shton se skenat që shihen ua thellojnë më tej plagën për humbjen e të birit.
“Pamë me shumë keqardhje dje policin e plagosur në sy dhe ndjemë dhimbje për prindërit e tij. Ajo që na ndodhi ne mos i ndodhte as hasmit! Por ato që po shohim të ndodhin pas humbjes se djalit tonë nuk na ngushëllojnë po na e thellojnë plagën tonë të jashtëzakonshme. Djalit tonë ia mori jetën arma e një polici dhe ne duam drejtësi deri në fund për jetën humbjen e tij. Por rrëmujat në emër të djalit dhe plagosja e djemve të nënave që i shërbejnë shtetit në polici, nuk sjellin drejtësinë po vetëm padrejtësi të tjera”, thuhet në letër, raporton Euronews Albania./Insajderi.com
