Kryetari i Nismës Socialdemokrate,Fatmir Limaj është deklaruar rreth takimit që pati me kryetarin e LDK-së, Isa Mustafa.
Limaj nuk u përgjigjë kur u pyet nëse do të futën në një koalicion parazgjedhor me LDK-në. Ai u shpreh vetëm se Kosovës i duhet një Qeveri që kryen punë dhe jo që vetëm flet.
“Jemi pajtuar që deputetët të votojnë për shpërbërjen e Kuvendit për ti dhënë mundësi vendit për të shkuar në zgjedhje. Gjithashtu folëm për gjithë këtë proces zgjedhor që Kosovës i duhet një qeverisje e fuqishme. Biseduam se duhet të jemi të kujdesshëm në krejt procesin. “Vendit i duhet një qeveri që kryen punë dhe in al fjalët”, ka deklaruar Limaj, përcjell Insajderi.com
Teksa, Mustafa gjatë ditës së sotme u takua edhe me Shpend Ahmetin e PSD-së dhe Ramush Haradinajn e AAK-së.
Kryetari i PSD-së, Shpend Ahmeti ka thënë se takimi me Isa Mustafën ishte pozitiv dhe në frymë të bashkëpunimit.
“Mendoj se po hapet rruga për një bashkëpunim mes PSD-së dhe LDK-së”, tha ai.
Sa i përket mundësisë së një koalicioni parazgjedhor me këtë parti, Ahmeti u shpreh se LDK mendon të shkojë në zgjedhje e vetme, megjithatë tha se mbetet një frymë bashkëpunimi ku i kanë të hapura të gjitha temat.
Në anën tjetër Haradinaj u shpreh se koalicioni tashmë i arritur mes AAK-së e PSD-së do të jetë i suksesshëm. Ndërsa ka refuzuar të flas për atë se a do të takohet me Isa Mustafën./Insajderi.com
