Kryeministri i Kosovës, Albin Kurti, bashkë me gruan e vajzën e tij ka parakaluar në tapetin e kuq në Festivalin e Cannes, Francë.
Kjo pjesëmarrje e Kurtit në Festivalin e Kanës, vjen pas një vizite disa ditore që kishte në Greqi.
Kurti të premten ka shkruar në Instagram për dy filmat kosovar që shfaqen atje, dhe “Pa vend” dhe “Luaneshat e Kodrës”.
Kreu i ekzekutivit ka uruar që këta filma të marrin çmime në fund.
Por, në Kosovë kishte kritika për Kurtin për fustanin e vajzës së tij, siç është raportuar në disa media “ai kushton rreth 500 euro”.
Përfaqësues të Qeverisë kanë demantuar duke thënë se “fustani ishte i huazuar”.
Pos kësaj, opozita ka kritikuar Kurtin për qëndrim jashtë vendit përderisa në Deçan 1.500 qytetarë kanë shfaqur simptoma të helmimit. /Insajderi.com