Deputetja e Lëvizjes Vetëvendosje, Fitore Pacolli, ka reaguar pas testimit të sotëm të kryetarit të Partisë Demokratike të Kosovës, Kadri Veseli, për Coronavirus, me ç’rast edhe doli pozitiv.
Përmes një shkrimi të shkurtër në llogarinë e saj në Facebook, deputetja Pacolli është shprehur e pakënaqur me faktin se lideri i PDK-së, mori rezultatin e testit për Covid-19 brenda ditës.
Ajo ka thënë se qytetarët po presin disa ditë me radhë për të bërë testin, e pastaj duhet të presin edhe për rezultate.
Ky është statusi i plotë i saj:
Në shtetin tonë të kapur:
- shumë qytetarë presin disa ditë për ta bërë testin;
- vetëm disa arrijnë të bëjnë testin, por duhet të presin 2-3 ditë për rezultatet;
- ndërsa po pate fat dhe qëllon të jesh kryetar i PDKës rezultatin e merr “express” brenda ditës. /Insajderi.com/
