Një muaj pas vizitës së Wess Mitchell, edhe një zyrtari SHBA, Matthew Palmer, e viziton Serbinë. Biseda me Vuçiqin ka rrjedh me tone të ashpra, janë shkëmbyer fjalë të rënda mbi Kosovën, raporton gazeta serbe Novosti.
Humbja e durimit të aleatëve të Kosovës, të udhëhequr nga Uashingtoni për shkak të Serbisë, dhe me qëllim të rrumbullakohet çështja e Kosovës është gjithnjë më e madhe, dhe me këtë edhe presionet ndaj Serbisë dhe kryetarit të saj janë gjithnjë e më të mëdha. Këtë e tregon se për më pak se një muaj në Beograd erdhën dy zyrtarë të administratës amerikane të ngarkuar me këtë rajon, me qëllim që t’ia bëjnë të qartë Serbisë pozicionet e padiskutueshme kur është fjala për Kosovën.
Pas vizitës së Wess Mitchell, i cili kah mesi i marsit paralajmëroi haptas në Beograd formimin e Ushtrisë së Kosovës, të enjten kreu shtetëror morri edhe një grusht nga një diplomat i lartë i Uashingtonit.
Matthew Palmer, ushtrues detyre i zëvendësit të ndihmës sekretarit të shtetit të SHBA për çështje evropiane dhe euroaziatike, sipas informatave të Novostit, ka pasur për detyrë që t’ia bëjë të qartë Beogradit se Asociacioni i komunave me shumicë serbe në pajtim me Kushtetutën e Kosovës është më së shumti çka mund të fitojë Serbia në Kosovë, transmeton Insajderi.com.
Siç merr vesh gazeta, bisedimet e Palmerit dhe Vuçiqit janë zhvilluar me një ton të ashpër, janë shkëmbyer fjalët e rënda derisa kryetari serb “i ka shprehur qëndrimet e Serbisë”, tashmë të njohura me vite sa i përket Kosovës. Përveç tjerash, Palmer e ka kritikuar Beogradin edhe për lidhjet e forta me Republikën Serpska.
Megjithatë, “Vuçiq është pajtuar se normalizimi i marrëdhënieve në mes të Serbisë dhe Kosovës është me rëndësi kyçe për vazhdimin e procesit të hyrjes së Serbisë në BE, por edhe për stabilitet rajonal dhe mirëqenie dhe prosperitet në rajon”, është kumtuar nga kryesia serbe pas takimit të Vuçiqit me Palmerin.
Sa i përket arrestimit të Gjuriqit në Kosovë dhe dëbimit të tij pas hyrjes ilegale në Kosovë, Gjuriq personalisht iu ankua Palmerit. Ai ka theksuar se “bashkësia ndërkombëtare nuk ka reaguar për këtë çështje dhe se pret që ta dënojë dhunën e forcave të sigurisë së Kosovës”, derisa Palmer i kishte thënë se gjithçka duhet zgjidhet me dialog i cili do të jetë në funksion të stabilitetit rajonal./Insajderi.com.
