Shihen forca të shtuara të policisë së Kosovës përreth ndërtesës së Qeverisë dhe të Kuvendit. Kjo për shkak se sot pritet që të votohet edhe mocioni i opozitës për rrëzimin e Qeverisë, dhe po ashtu pritet që të procedohet edhe marrëveshja për Demarkacionin me Malin e Zi.
Para pak çastesh ka përfunduar mbledhja e Këshillit Drejtues të PDK-së, në të cilën nuk është vendosur përfundimisht se çfarë do të ndodh, por kjo ka mbetur për t’u vendosur në mbledhjen e kryesisë së PDK-së dhe të Grupit Parlamentar të kësaj partie.
Nënkryetari i PDK-së, Enver Hoxhaj, ka thënë se vendimi për hapa të mëtutjeshëm do të merret pak më vonë.
Kurse seanca e Kuvendit të Kosovës është paraparë të nisë prej orës 10:00, në të cilën pikë e vetme e rendit të ditës është mocioni i opozitës për rrëzimin e Qeverisë./Insajderi.com