Ambasada franceze në Kosovë ka mohuar se Franca është e përfshirë në të ashtuquajturin “non-paper” i publikuar të hënën në media ku flitet për njohjen Kosovë-Serbi, njofton Insajderi.
Në një reagim të bërë në Twitter, nga kjo ambasadë kanë deklaruar se e mbështetin dialogun mes dy shteteve, të ndërmjetësuar nga Bashkimi Evropian.
“Franca dhe Gjermania nuk janë burimi i të ashtuquajturin non-paper franko-gjerman të botuar sot në Koha Ditore. Ne mbështesim plotësisht ndërmjetësimin e Bashkimit Evropian, dhe mirëpresim përpjekjet e bëra në këtë drejtim nga Përfaqësuesi Special i ngarkuar për dialogun Beograd-Prishtinë, Miroslav Lajçak”, thuhet në reagim.
Gazeta Koha ka publikuar të hënën një dokument për të cilin thotë se është një “non-paper”, sic ishte ai slloven, por që në këtë dokument jo zyrtar thuhet se Kosova e Serbia do t’ia njohin integritetin territorial njëra – tjetrës dhe gjithashtu sovranitetin si shtetet të pavarura./Insajderi.com
La France et l’Allemagne ne sont pas à l’origine du prétendu non-papier franco-allemand publié aujourd’hui par Koha Ditore. Nous soutenons pleinement la médiation de l’UE et saluons les efforts entrepris en ce sens par le Représentant spécial chargé du dialogue Bg-Pr, M. Lajcak. pic.twitter.com/pDFi8McrZz
— France au Kosovo (@FranceauKosovo) April 27, 2021
