Edhe pse ka më shumë se dy javë, që nëpër oda kanë nisur fushatën parazgjedhore për kryetar të komunës, partitë politike në Drenas të hënën e 28 nëntorit, pikërisht në festën e Pavarësisë së Shqipërisë, kanë nisur zyrtarisht fushatën për zgjedhjet e 4 nëntorit.
Të gjitha partitë pjesëmarrëse në këto zgjedhje për kryetarin e Drenasit kanë nisur fushatën e tyre në këtë qytet të vogël në një ditë feste, dhe këtë e kanë shfrytëzuar jashtëzakonisht shumë në fjalimet e tyre.
Në takimin e Partisë Demokratike të Kosovës, përkatësisht kandidatit të kësaj partie Ramiz Lladrovci, pjesëmarrësit kanë folur fillimisht për rëndësinë e 28 nëntorit gjë që ka elektrizuar masën dhe më pas kanë filluar të japin premtimet e tyre elektorale.
Vet kandidati Lladrovci ka nisur këtë ditë duke bërë vizita tek varri i heroi Fehmi Lladrovci.
Edhe partia Nisma për Kosovën e ka nisur fushatën e vet në Drenas duke përmendur festën e 28 nëntorit dhe duke e lidhur këtë datë me kohën e ndryshimeve, por më pas kanë vazhduar që të japin premtimin se nëse kandidati i tyre Isa Xhemjalaj, fiton zgjedhjet, atëherë Drenasi do të ndryshojë. NISMA garon së bashku me AAK-në në këto zgjidhje.
Po me 28 nëntor, në Drenas, fushatën e ka hapur edhe Lidhja Demokartike e Kosovës. Aty ka qenë edhe kryeministri, Isa Mustafa që është edhe kryetar i LDK-së.
Kryeministri, pasi ka përmendur festën e 28 nëntorit, kryeministri tha se vota për Bedri Nikën është votë për të ardhmen e Drenasit andaj i ka ftuar banorët e Drenasit ta mbështesin atë për të mirën e të gjithëve./Insajderi.com
