Komuna e Fushë Kosovës ka marrë vendim që çerdhet të hapën nga dita e martë.
Drejtoresha e çerdhes “VIP KIDS”, Jehona Shala-Mjeku tha ka thënë se vendimi i komunës ka qenë i mirëseardhur.
Ajo ka shprehur shqetësim për faktin se edukatorët nuk kanë pasur kompensim të pagave nga Qeveria e Kosovës.
“Vendimi ka qenë shume i pritshëm si nga ana jonë po ashtu edhe i prindërve. Meqenëse prindërit kanë qenë shumë të interesuar për sjelljen e prindërve në kopsht pasi disa prej tyre punojnë në sektorin e shëndetësisë, policisë. Vendimi ka qenë i pritshëm për neve meqenëse Qeveria e Kosovës, nuk ka bërë kompensim as në pagat e edukatorëve dhe as të qerave”, tha ajo.
Shala-Mjeku tha se kanë marr të gjitha masat e nevojshme për parandalim të Coronavirusit.
“Objekti është dezinfektuar qysh në fillim të majit, kur kemi filluar qysh me 1 qershor, po ashtu kemi bërë dezinfektime edhe këtë herë kur kemi filluar”.
“Të gjithë prindërit janë të pajisur me maska dhe ata i përmbahen rregullores si dhe asnjë prindër nuk lejohet të hyjë brenda pa maska”, përfundoi ajo.
Çerdhet kanë qenë të mbyllura për shkak të rrezikut të madh nga virusi COVID-19, qëndrimi i fëmijëve në to është parë tejet i rrezikshëm. /Insajderi.com/