Kirurgët e Kirurgjisë Abdominale bashkë me kolege të tjerë kirurgë janë tash e gati katër javë në grevë në kërkim të kushteve dinjitoze të punës.
Ata, përveç rasteve emergjente, nuk janë duke i operuar pacientet selektiv duke kërkuar nga institucionet kosovare paga të përafërta me prokurorët e gjyqtarët, shkruan Gazeta Shneta.
Bajraktari akuzohet se inskenoi kuvendin e Shoqatës së Kardiologëve, ai e mohon
Por, cilat ishin statistikat e kësaj klinike gjatë 6-mujorit të parë të vitit 2018? Nga data 1 janar deri më 30 qershor janë hospitalizuar 1 mijë e 444 pacientë, ku prej tyre 991 janë operuar. Për të arritur këtë numër të operacioneve, disa mjekë kanë punuar më pak e disa më shumë.
Madje ka prej tyre që kanë kryer vetëm 5, 7 ose 8 operacione për 6 muaj, derisa një tjetër ka arritur dhjetëfishin e tyre.
Gazeta Shneta shkroi kohë më parë për performancën e mjekëve të Kirurgjisë Abdominale. Në këtë dokument është edhe lista e 33 kirurgëve dhe statistikat e punës së tyre për 6 muajt e parë të këtij viti.
Dr. Armend Xhemajli është dembeli më i madh i Klinikës. Ai ka kryer vetëm pesë operacione si mjek kryesor dhe 9 si asistent për 6 muaj. Pas tij vjen Dr. Skender Zatriqi me vetëm 7 operacione si mjek kryesor dhe 10 sosh si asistent. Me më pak se 10 operacione janë edhe dy kirurg të tjerë, Dr. Lulzim Salihu dhe Dr. Rrustem Musa. I pari ka operuar 8 pacientë ndërsa i dyti 9. Kujtojmë se Musa është edhe zëvendësministër në Ministrinë e Shëndetësisë.
Sipas dokumentit, për gjashtëmujorin e parë të këtij viti më së shumti ka punuar Dr. Ismet Shaqiri. Ai ka kryer 82 operacione si mjek kryesor dhe 41 si mjek asistent. Pas tij vjen Dr. Naser Plakolli me 58 operacione si mjek kryesor dhe 34 në cilësinë e asistentit. Mbi 40 operacione kanë kryer edhe Dr. Adem Rrusta, Dr. Besnik Bicaj dhe Dr. Skender Shabani.
Në vijim lexoni listën e plotë të kirurgëve dhe numrin e operacioneve që kanë kryer si mjek kryesor: Dr. Rifat Bajrami – 27; Dr. Preveza Abrashi – 28; Dr. Afrim Tahiri – 34; Dr. Enver Fekaj – 16; Dr. Besim Sermaxhaj – 30; Dr. Arber Morina – 29; Dr. Skender Shabani – 41; Dr. Fadil Beka – 10; Dr. Skender Murati – 22; Dr. Skender Zatriqi – 7; Dr. Ferat Sallahu – 23; Dr. Naser Plakolli – 58; Dr. Halil Tanaj – 29; Dr. Dafina Mahmutaj – 20; Dr. Faton Hoxha – 15; Dr. Floren Kavaja – 29; Dr. Kushtrim Gashi – 14; Dr. Shemsedin Hashani – 14; Dr. Rrustem Musa – 9; Dr. Bedri Braha – 15; Dr. Arsim Ajeti – 12; Dr. Adem Rrusta – 44; Dr. Vesel Skenderi – 28; Dr. Besnik Bicaj – 43; Dr. Ilir Kafexholli – 12; Dr. Lulzim Salihu – 8; Dr. Drilon Komoni – 14; Dr. Astrit Hamza – 24; Dr. Ismet Shaqiri – 82; Dr. Salih Krasniqi – 14; Dr. Arsim Qerkinaj – 17; Dr. Valon Zejnullahu – 26; Dr. Armend Xhemajli – 5;
