Cakaj takon homologun e vet nga Sllovenia. Bisedojnë për zbatimin e reformave që mundësojnë integrimin e Shqipërisë në BE.
Ministri i jashtëm i Shqipërisë, Gent Cakaj, ka takuar sot homologun e tij Anže Logar, me të cilin kanë biseduar për bashkëpunim mes dy vendeve në fushën e arsimit, turizmit dhe ekonomisë, njofton Insajderi.
“Në takimin e zhvilluar në Lubjanë, me Ministrin e Jashtëm të Sllovenisë, Anže Logar, biseduam veçanërisht për rëndësinë e thellimit të mëtejmë të bashkëpunimit në fushën e ekonomisë, arsimit dhe turizmit”.
Gjithashtu ministrat kanë biseduar edhe për vazhdimin e reformave në kuadrin e procesit për anëtarësimin e Shqipërisë në BE./Insajderi.com
