Gjashtë persona janë lënduar në një aksident trafiku që ka ndodhur sot rreth orës 16:00 në fshatin Korroticë e ulët të Drenasit, shkruan Insajderi.
Lajmin e ka konfirmuar për Gazetën Online Insajderi, zëdhënësja e policisë për rajonin e Prishtinës, Flora Ahmeti.
Ajo ka deklaruar se personat e aksidentuar janë dërguar për trajtim mjekësor, ndërsa më rastin edhe duke u marrë njësiti i trafikut.
“Sot rreth orës 16:00, në fshatin Korroticë e ulët të Drenasit, ka ndodhur një aksident trafiku, ku kanë qenë të përfshira dy automjete në lëvizje. Bazuar në të dhënat fillestare, si pasojë e këtij aksidenti lëndime të rënda trupore kanë pësuar 6 persona dhe të njëjtit janë dërguar për trajtimin e nevojshëm mjekësor. Njësia rajonale e trafikut ka dalë në vendin e ngjarjes dhe ka nisur një hetim për zbardhjen e shkaqeve që kanë sjellë deri te ky aksident”, ka thënë Ahmeti./Insajderi.com
