Gjendet e mitura nga Prizreni që ishte raportuar e zhdukur

Policia e Kosovës ka arritur ta gjejë vajzën e mitur nga Prizreni e cila ishte raportuar e zhdukur dy ditë më parë nga prindi i saj, përcjell Insajderi.

Policia bën të ditur se ajo është gjetur të shtunën dhe tashmë është kthyer në shtëpinë e saj.

“Gjatë zhvillimit të hetimeve përmes rrugëve operative, policia sot ka pranuar informacion për vendndodhjen e vajzës së mitur dhe me këtë rast i ka informuar prindërit e vajzës së zhdukur.

Pas kësaj policia së bashku me prindërit e kanë kthyer vajzën e zhdukur në shtëpi. E njëjta raportohet të jetë larguar edhe më herët nga shtëpia e prindërve”, thuhet në njoftimin për media.

Në lidhje me rastin është informuar edhe prokurori kujdestar. Njësiti i hetimeve rajonale në Prizren është duke e trajtuar këtë rast./Insajderi.com