Një person është gjetur sot pa shenja jete në fshatin Mramor të Prishtinës, njofton Insajderi.
Kështu ka bërë të ditur për Insajderin zëdhënësi i policisë për rajonin e Prishtinës, Daut Hoxha, i cili njoftoi se rasti ka ndodhur rreth orës 18:10.
Hoxha theksoi se vdekja është konfirmuar nga ekipet shëndetësore, ndërsa rasti po cilësohet si “vdekje e dyshimtë”.
“Rreth orës 18:10 Policia në Prishtinë ka pranuar një informatë lidhur me një vdekje të dyshimtë. Menjëherë njësitet policore kanë dalë në lokacion, janë informuar edhe ekipet e nevojshme emergjente, nga kompetentet shëndetësore është konfirmuar vdekja e personit, përderisa veprime tjera policore lidhur me rastin janë në proces”, ka thënë ai. /Insajderi.com
