Ish-ministri i Punëve të Jashtme, Glauk Konjufca, ka njoftuar se ka rezultuar pozitiv me COVID-19, shkruan Insajderi.
Përmes një postimi në faqen zyrtare në Facebook, Konjufca është shprehur se “kjo pandemi është ndryshe nga të tjerat, ndërsa për ta mposhtur atë, ai ka kërkuar bashkëpunimin e secilit”.
“Desha ta ndaj me ju faktin që jam diagnostifikuar me virusin COVID-19. Kjo është një pandemi ndryshe nga të tjerat deri tash. Për ta mposhtur atë duhet bashkëpunim i secilit në koordinim me institucionet publike. Edhe një herë falënderimi shkon për mantelbardhët që ndodhen në frontin e luftimit të këtij virusi të rrezikshëm”, ka shkruar ndër të tjera ai.
Tutje, Konjufca ka apeluar për kujdes dhe respektim të masave antiCOVID./Insajderi.com