Gruaja deputete e Rexhep Selimit: Kur ai të kthehet shumë pikëpyetje do të iu vihet pika

Deputetja e Lëvizjes Vetëvendosje, Shqipe Mehmeti Selimi, ka thënë se kur bashkëshorti i saj Rexhep Selimi të kthehet në Kosovë shumë pikëpyetje do të iu vihet pika.

Kjo deklaratë erdhi pasi janë publikuar disa opinione të mëparshme të Donika Gërvallës ku e cilësonte Selimin si “botë e krimit”.

“Ato shkrime e postime të vjetra, që së fundi u bën aktuale, i ka parë edhe vet Rexha sa ishte në Kosovë, por nuk i ka vlerësuar aq me vlerë e as aq të rëndësishme sa t’i replikonte e t’i komentonte”, ka shkruar ajo në Facebook.

Ajo shtoi se nuk ka nevojë ta mbrojë Selimin, pasi sipas saj atë e mbron “e drejta, emri dhe vepra e tij”.

“Në ndërkohë unë do të vazhdoj të kryej me nder dhe krenari detyrën dhe mandatin që ma kanë dhënë votuesit e Lëvizjes VETËVENDOSJE”, përfundoi Mehmeti-Selimi. /Insajderi.com