Rrjeti i Organizatave të Grave Rome, Ashkali dhe Egjiptase të Kosovës (RrOGRAEK), ka reaguar lidhur me sulmin që i është bërë gruas rome për të cilën u raportuar se është duke ngacmuar fëmijë dhe gra.
Përmes një komunikate për media thuhet se dënon ashpër sulmin që i është bërë gruas rome nga disa të rinj në qytetin e Lipjanit, raporton Gazeta Insajderi.
“Rrjeti i Organizatave të Grave Rome, Ashkali dhe Egjiptase tëKosovës (RROGRAEK), dënon ashpër sulmin i cili ndodhi njëditë më parë në Lipjan, ku një grua e komunitetit rom u sulmua, nga disa të rinj të këtij qyteti. Kjo sjellje brutale ndaj një gruaje, e cila vjen nga komuniteti rom, e e cila është dyfish e diskriminuar, së pari si grua dhe më pastaj si komunitet pakicë, duhet ta marrë dënimin e merituar dhe të mos mbetet vetëm në suaza të deklaratave”, thuhet në reagimin e tyre.
Ky grup i grave kanë thënë se kjo çështje nuk mundet të mbetet me keq. Ato kanë thënë se ky rast duhet të qartësohet deri në fund dhe personat të cilat kanë kryer këtë sulm të dënohen.
“Përderisa Policia e Kosovës, ka deklaruar se gruaja e cila ishte riatdhesuar nga Belgjika në Kosovë në vitin 2011, nuk dyshohet për ndonjë aktivitet kriminal, por e cila u sulmua pasi që grupe të ndryshme online, kanë alarmuar rrejshëm për rrezikun që pretendohej se ajo paraqiste, nuk duhet të mbetet me kaq. Por se rasti duhet të qartësohet deri në fund dhe akteret e këtij rasti, të cilët ushtruan dhunë ndaj një gruaja rome, të marrin dënimin e merituar”, thuhet në komunikatë.
“RROGRAEK po ashtu fton institucionet përkatëse që të marrin rastin parasysh dhe të marrin masa disiplinore ndaj sulmuesve,duke të trajtuar rastin deri në fund”.
“RROGRAEK po ashtu u bënë thirrje institucioneve arsimore në Kosovë, që të kenë kujdes me fëmijët, tek të cilët të mos ketë nxitje të urrejtjes ndaj qytetarëve të komuniteteve tjera dhe të ketë sulme në baza racore, si në rastin me gruan e komunitetit rom”, thuhet ën fund të reagimit. /Insajderi.com
