Grupi për Studime Juridike dhe Politike, ka reaguar kundër letra e Përfaqësueses së Lartë për Politikë të Jashtme dhe Siguri, duke e konsideruar si përpjekje për ta kontestuar kornizën demokratike të vendimmarrjes së Republikës së Kosovës.
“Letra në fjalë imponon qartë qëllimin që përfaqësuesi i vetëm në dialog të jetë Presidenti i vendit, z. Hashim Thaçi. Në këtë mënyrë, lë të nënkuptohet se Kuvendi dhe Qeveria, apo kushdo tjetër nuk mund të ushtrojë mandatin përfaqësues dhe kushtetues në këtë proces”.
“ Rikujtojmë që roli i BE-së është lehtësimi i procesit të dialogut, dhe në një rol të tillë BE-ja supozohet që të ndihmojë në arritjen e një marrëveshjeje që është e pranueshme dhe që është reflektim i drejtë i institucioneve demokratike të të dyja palëve. Një proces i tillë nuk mund të shërbej si instrument për të rregulluar raportet e fuqive të liderëve politikë ose të riaranzhoj kompentencat të përcaktuara, në rastin tonë, në kushtetutë”, thuhet në reagim.
Sipas GLPS kjo letër duket të ketë qëllim neutralizimin e plotë të rolit përfaqësues dhe përcaktues të Kuvendit të Kosovës në një proces që pritet të përcaktojë të ardhmen paqësore të Kosovës në raport me Serbinë.
“BE-ja nuk mund të ndërhyj në dialog në formë të tillë që cenon rendin minimal të demokracisë së brendshme që është e përcaktuar qartazi në kushtetutën e vendit”.
GLPS kërkojnë nga Presidentit, Qeverisë dhe Kuvendit të refuzoj t’i përgjigjet thirrjeve që përfaqësimi i Kosovës në forumet ndërkombëtare, përfshirë dialogun.
“Në të kundërtën përfaqësimi i Kosovës dhe fati i saj në proceset ndërkombëtare do të mbetet i lidhur me emrat individual, e jo vlerat, qëllimet e parimet e pritura që janë me karakter universal. Znj. Mogherini dhe z. Hahn duhet të kenë të qartë që veprimet e tilla kanë ndikimin të drejtëpërdrejt në sentimentin pro-evropian të qytetarit të Republikës së Kosovës”, thuhet në reagim.