Kryeministri në largim Ramush Haradinaj ka dënuar sulmin e Iranit ndaj bazave ushtarake të SHBA-ve në Irak.
Haradinaj e ka quajtur sulmin si akt të rëndë agresioni ndaj Shteteve të Bashkuara të Amerikës.
“Kosova qëndron e palëkundur në mbeshtetje dhe përkrahje te ShBA-ve.
E dënojmë sulmin e Iranit ndaj bazave ushtarake amerikane në Irak dhe e vlerësojmë këtë sulm si akt i rëndë agresioni ndaj ShBA-ve”, ka shkruar Haradinaj në Facebook.
Haradinaj ka thënë se institucionet e Kosovës janë duke i përcjellur me vëmendje këto zhvillime që prekin edhe jetën e qytetarëve të Kosovës që punojnë në bazat ushtarake amerikane.
