Ish kryeministri i Kosovës, Ramush Haradinaj, ka shprehur dhimbjen për vdekjen e gruas shtatzënë nga koronavirusi, shkruan Insajderi.
Përmes një shkrimi në rrjetin social Facebook, Haradinaj ka ngushëlluar familjën nga Gjakova për humbjen e me të dashires së tyre.
Postimi i plotë i Haradinajt:
Me dhembje po i pranoj lajmet për vazhdimin e humbjes së jetës së qytetarëve tanë nga pandemia Covid-19.
Ngushëllimet e mia më të thella për familjet dhe të afërmit e tyre. Falënderues personelit mjekësor, pjesëtarëve të Policisë së Kosovës dhe mekanizmave tjerë të sigurisë për punën e palodhshme, si dhe qytetarëve për durimin e dëshmuar në këtë kohë kritike.
Edhe këtë vështirësi do e tejkalojmë së bashku. /Insajderi.com
