Kryeministri i Kosovës, Ramush Haradinaj po vazhdon qëndrimin në Nju Jork ku po mbahet asambleja e OKB-së.
I pari i qeverisë kosovare sot ka bërë të ditur se është takuar me ndihmës-sekretarin amerikan për çështje të Evropës, Wess Mitchell.
Haradinaj ka shkruar në facebook se gjatë këtij takimi ia ka bërë të ditur Mitchellit, rëndsinë për anëtarësimin e Kosovës në OKB.
Më poshtë postimi i plotë:
Me Ndihmës – Sekretarin e Shteteve të Bashkuara të Amerikës për Çështje Europiane dhe Euroaziatike, Wess Mitchell, biseduam për aktualitetin politik në Kosovë dhe rajon.
Mikut të Kosovës i shpreha falënderimet e popullit tonë për angazhimin e pandalshëm të Amerikës, dhe kërkova që ky rrugëtim i yni i përbashkët të vazhdojë, për ta përmbyllur konsolidimin e subjektivitetit ndërkombëtar.
Ndihmës – Sekretarit Mitchell i thashë se me anëtarësimin e Kosovës në INTERPOL dhe mekanizmat tjerë të sigurisë, nuk humbë askush, përpos krimit transnacional.
Mbështetja e SHBA-së në këtë rrugëtim është e domosdoshme!
RH
