Nasim Haradinaj nga Shoqata e Veteranëve të UÇK-së ka qenë i ftuar në Debat D në Tv Dukagjin ku është diskutuar për Gjykatën Speciale.
Haradinaj ka kundërshtuar fuqishëm dhënien e kompetencave Gjykatës Speciale, ndërsa ka kundërshtuar se vrasjet e pas luftës janë politike.
“Nuk them mos me u marr, ku po e din t’i që kanë qenë politike, po i jap një krah, a munden me kanë politike brenda sojit të vetë”, ka pyetur Haradinaj.
Ndërkaq analisti, Imer Mushkolaj ka thënë se shumica e vrasjeve që janë bërë ndaj anëtarëve të LDK-së. Përgjigja e Haradinajt ka qenë “punë e madhe që janë vra të LDK-së”.
“18 vjet askush nuk merret me rastet e vrasjeve të pasluftës. Na të gjithë e dimë që shumica e personave që janë vrarë pas luftës kanë qenë të LDK-së”, ka thënë Ymeri.
“Punë e madhe që janë vra të LDK-së”, ka qenë replika e Haradinajt të OVL-së së UÇK-së./Insajderi.com
