Lideri i Aleancës për Ardhmërinë e Kosovës, deputeti i Kuvendit të Kosovës, Ramush Haradinaj deklaroi se sot pas zgjedhjes së Vjosa Osmanit si presidente, AAK qëndron faqebardhë në ruajtjen e sistemit kushtetues së demokracisë republikane.
Sipas Haradinajt votat e kontrabanduara në këtë proces tregojnë se Lëvizja Vetëvendosje dhe Lista Guxo nuk guxojnë.
“Urime deputetëve që morën pjesë duke i përfshirë edhe ata të pazarit të naftës që lan parimet për përfitime të atypëratyshme”, shtoi ai.
Haradinaj theksoi se lufta për demokraci fillon sonte, transmeton lajmi.net.
Duhet përkujtuar që deputetët e AAK-së nuk ishin të pranishëm në seancën për zgjedhjen e presidentit ndërsa ishte vetëm Albena Reshitaj nga kjo parti që pavarësisht vendimit të Haradinajt, moti pjesë në seancë dhe votoi për zgjedhjen e presidentes./Insajderi.com