Presidenti i Shteteve të Bashkuara të Amerikës do të mirëpresë sot në takim në Shtëpinë e Bardhë kancelaren gjermane, Angela Merkel, njofton Insajderi.
Këtë takim e ka përshëndetur kryetari i Aleancës për Ardhmërinë e Kosovës, Ramush Haradinaj.
Ai thotë se ka bindjen se dyshja, liderë të botës së lirë, do të përshpejtojnë arritjen e marrëveshjes për njohje reciproke mes Kosovës dhe Serbisë.
“Takimi mes Bidenit dhe Merkelit është i mirëpritur dhe i nevojshëm për të adresuar të gjitha çështjet e hapura në Ballkan”, ka shkruar ai në Twitter.
“Qëndroj i bindur se udhëheqësit e botës së lirë do të bien dakord për përshpejtimin e arritjes së marrëveshjes mes Kosovës dhe Serbisë për njohjen reciproke”, ka shkruar më tej Haradinaj. /Insajderi.com
The meeting between @POTUS and #AngelaMerkel is welcomed and necessary to address all open issues in the #Balkans. I remain confident that the leaders of the free world will agree on expediting the achievement of the agreement between 🇽🇰 and 🇷🇸 on mutual recognition.
— Ramush Haradinaj (@haradinajramush) July 15, 2021