Gjatë ditës së sotme, i pari i Aleancës për Ardhmërinë e Kosovës, Ramush Haradinaj, ka pritur në takim Shefin e Zyrës së BE-së, Tomáš Szunyog, njofton Insajderi.
Në një postim në “Facebook”, Haradinaj theksoi se Szunyog ka vlerësuar lart procesin zgjedhor të 14 shkurtit.
Ai bëri të ditur se ka kërkuar nga Szunyohg mbështetjen e tij dhe të BE-së, në sfidat të cilat e presin Kosovën siç janë liberalizimi i vizave, integrimet euroatlantike dhe marrëveshja për njohje të ndërsjellë mes Kosovës dhe Serbisë.
“Duke shprehur qëndrimet e mia dhe të Aleancës, vlerësova zgjedhjet e 14 shkurtit si fitore për demokracinë, zgjedhje që i kanë dhënë Kosovës një avantazh si në planin e brendshëm ashtu edhe në atë ndërkombëtar. Kërkova nga ambasadori mbështetjen e tij dhe të BE-së, në sfidat të cilat e presin vendin tonë, liberalizimi i vizave, integrimet euroatlantike dhe marreëveshja peër njohje të ndërsjellë mes Kosovës dhe Serbisë”, ka shkruar Haradinaj./Insajderi.com
