Njëri nga njerëzit më me ndikim në Partinë Demokratike të Kosovës, Sami Lushtaku ende beson në ish- shefin e dikurshëm- Hashim Thaçin
Ish- kryetari i Komunës së Skenderajt, Sami Lushtaku ka theksuar se Hashim Thaçi, është njeriu i vetëm i cili mund t’ia kthejë fitoren e Partisë Demokratike të Kosovës.
Kështu ka deklaruar ai në intervistën ‘Saktë’, ku ndër të tjera nuk e ka përjashtuar mundësinë që edhe Hashim Thaçi të ftohet nga ana e Gjykatës Speciale.
Lushtaku është i bindur se Hashim Thaçi nesër po t’i kthehet PDK-së i fiton sërish zgjedhjet “sepse është lojtar i mirë”.
“Thaçi nesër me u kthye në PDK i fiton zgjedhjet sepse është lojtarë i mirë”, tha Lushtaku derisa ishte duke folur se ndaj kujt ka inat Vetëvendosje e që sipas tij ka inat me Thaçin e jo me partinë.
Ndryshe, PDK në zgjedhjet e fundit doli partia e tretë, me 23 deputet, duke u renditur pas VV-së e Lidhjes Demokratike të Kosovës, të cilat morën 29, gjegjësisht 28 deputet.
