Ministrja e Drejtësisë, Albulena Haxhiu, ka njoftuar se është finalizuar dhe proceduar koncept-dokumenti për konfiskimin e pasurisë së pajustifikueshme, transmeton Insajderi.
Sipas saj ky koncept-dokument i hap rrugë hartimit të projektligjit për konfiskimin e pasurisë së pajustifikueshme.
Haxhiu ka thënë se lufta ndaj krimit të organizuar dhe korrupsionit është prioritet i Qeverisë Kurti.
“Prandaj edhe do ta fuqizojmë bazën ligjore kundër korrupsionit si dhe do fuqizojmë kapacitetet e institucioneve të drejtësisë në luftën e tyre ndaj krimit të organizuar e korrupsionit. Shteti i së drejtës”, ka shkruar Haxhiu. /Insajderi.com
