Janë liruar nga pagesa të gjitha laurat (pengesat) në hyrje-daljet e Qendrës Klinike dhe Universitare të Kosovës, njofton Insajderi.
Kështu është vendosur nga Shërbimi Spitalor dhe Klinik Universitar i Kosovës (ShSKUK).
Tani, do të lejohen të gjitha automjetet e pacientëve dhe përcjellësve të pacientëve, pa pasur nevojë të bëjnë pagesa.
“Vendimin e ka marrë ud. drejtori i përgjithshëm i ShSKUK-së, Valbon Krasniqi, duke u bazuar në situatën e krijuar në vend për shkak të Pandemisë së Covid-19, me qëllim të parandalimit dhe shmangies së kontaktit nëpër laura”, thuhet në njoftimin e QKUK-së.
Sipas të njëjtit vendim, personeli i caktuar për punë në këto pika, do të bartet sipas nevojës për kryerjen e punëve tjera./Insajderi.com
