Kryeministri Avdullah Hoti ka thënë që deputetët duhet të jenë të pranishëm në seancën e nesërme ku pritet të votohet buxheti për vitin 2021, njofton Insajderi.
Ai përmes një postimi në Facebook ka shkruar se është e udhës që secili deputet të jetë në seancë dhe të mbështesë këtë ligj.
Hoti ka shkruar se votimi i këtij ligji siguron stabilitet financiar në pjesën e parë të vitit të ardhshëm, kur të hyrat buxhetore janë të pakta.
“Votimi i këtij ligji mundëson mbështetjen për punëtorët e papunë dhe për biznese që janë në vështirësi financiare për shkak të pandemisë”, ka thënë ai./Insajderi.com