Kryeministri i Kosovës, Avdullah Hoti, i ka replikuar në Twitter, kryeministri të Izraelit, Benjamin Netanyahu.
Kryeministri I izraelit, ka thënë se “Kosova bëhet vendi parë mysliman që hapë ambasadën e saj në Jerusalem”.
Kjo pas marrëveshjes së 4 shtatorit në Uashington ndërmjet Kosovës dhe Serbisë e në të cilën pala Kosovare dhe ajo serbe u pajtuan që të hapin ambasadat e tyre ne Jerusalem, njofton Insajderi.
Në replikën e Hotit, ai ka thënë se Qeveria e Kosovës është e përkushtuar për aktin e hapjes së ambasadës së Kosovës në Jerusalem.
“Faleminderit Z. Netanyahu! Qeveria ime është e përkushtuar të hapë ambasadën në Jerusalem, të vendosë marrëdhënie diplomatike dhe të thellojë marrëdhëniet dypalëshe”, ka shkruar Hoti.
Në anën tjetër këtë vendim të Kosovës dhe Serbisë e ka dënuar Liga Arabe. /Insajderi.com
Thank you Mr. Netanyahu! My government is dedicated to open the embassy in Jerusalem, establish diplomatic relations and deepen bilateral relations.🇽🇰🇮🇱 https://t.co/wU5YOP6gcm
— Avdullah Hoti (@Avdullah) September 5, 2020
