Kryeministri i Kosovës, Avdullah Hoti, është deklaruar rreth mënyrës së organizimit të vitit të ri shkollor nga 1 shtatori, njofton Insajderi.
Përmes një postimi në Facebook, Hoti ka thënë se në përputhje me vendimin e Qeverisë të datës 28 korrik 2020, MASHT dhe IKSHPK po përgatisin udhëzuesin për mënyrën e organizimit të nisjes së vitit shkollor.
Ai ka theksuar se vendimi final për hapjen e shkollave do të ndikohet nga gjendja epidemiologjike.
“Në procesin e vendimmarrjes do të përfshihen plotësisht komunat, të cilat do të kenë përgjegjësi që të zbatojnë udhëzimet. Gjatë javës që vjen, do të jemi në kontakt me kryetarët e komunave dhe drejtorët për arsim për të diskutuar modalitetet e mundshme të fillimit të vitit shkollor”.
“Jemi duke shqyrtuar edhe platformat e ndryshme të ndihmesës për stafin mësimdhënës dhe nxënësit, sidomos në organizimin më të mirë të punës praktike në arsimin e mesëm profesional”, ka shkruar Hoti. /Insajderi.com/
