Kryetari i Lidhjes Demokratike të Kosovës, Isa Mustafa, ka folur para medieve në lidhje me ofertën e radhës që ia kanë nisur Lëvizjes Vetëvendosje, shkruan Gazeta Insajderi.
I pyetur në lidhje me një takim të ardhshëm më këtë parti, i pari i LDK-së, ka thënë se takimi i ardhshëm mund të bëhet vetëm për të bërë marrëveshje ose për të konstatuar se nuk ka marrëveshje.
Mustafa, ka thënë se nuk mund të takohen më vetëm sa për tu takuar.
“Takimi i ardhshëm mund të bëhet vetëm për t’u arritur te marrëveshja dhe jo vetëm sa për tu ulur për të konstatuar se nuk arritëm asgjë. Prandaj këtë e kemi konstatuar që takimi ynë i ardhshëm të jetë takim i bërjes së marrëveshjes ose jo”, ka thënë Mustafa.
Gazeta Insajderi, ka raportuar më herët në lidhje me refuzimin e ofertës së fundit të Vetëvendosjes, nga kjo parti. /Insajderi.com
