Pavarësisht që subjekti i tij politik nuk mori pjesë në ceremoninë e varrimit të veprimtarit të çështjes kombëtare, Adem Demaçit, Isa Mustafa e ka kaluar si në heshtje këtë veprim.
Ai përmes një statusit në Facebook e ka quajtur Demaçin si “një disident i pathyeshëm dhe një jo konformist që i duhej botës shqiptare”.
Madje Mustafa ka kujtuar edhe fjalët e Presidentit Historik Ibrahim Rugova, për Demaçin .
“Në këto çaste më bien ndër mend fjalët e Presidentit Rugova i cili thoshte se: “Demaçi është shkrimtar i harmonisë shqiptare dhe njerëzore, humanist i madh”. Andaj, Baca Adem, u prehsh i qetë në dheun e Kosovës së lirë, për të cilën sakrifikove aq shumë”, shkruan Mustafa.
