fbpx

Ish-ministri: Në vjeshtë do të ketë zgjedhje të parakohshme parlamentare

Ish-ministri: Në vjeshtë do të ketë zgjedhje të parakohshme parlamentare

Ish-deputeti i Lidhjes Demokratike të Kosovës (LDK), Sadri Ferati, ka thënë se zhvillimi ekonomik dhe sundimi i ligjit vazhdojnë të jenë problemet kryesore në Kosovë.

Ai ka vlerësuar se qeverisja aktuale ka shumë probleme dhe nuk po merret me shqetësimet e qytetarëve.

Në këtë intervistë dhënë për gazetën “Epoka e re”, Ferati ka thënë se është në interes të vendit që të ketë zgjedhje të reja.

Sadri Ferati

Ai ka pohuar se në vjeshtë do të ketë zgjedhje të parakohshme parlamentare.

Ish-ministri i Administrimit të Pushtetit Lokal ka folur edhe për zgjedhjet lokale në veri, me ç’rast ka thënë se pjesëmarrja e Listës Serbe në këtëproces tregon se dorëheqjet kanë qenë të ngutshme.

Sa i përket vazhdimit të dialogut me Serbinë, Ferati ka thënë se ky proces është sfidues, prandaj kërkonkonsensus politik.