Instituti Kombëtar i Shëndetësisë Publike të Kosovës ka apeluar që të mos vriten kafshët.
Përmes një postimi në Facebook – ky institut bën thirrje që të mos vritet edhe ariu i shumëkërkuar, shkruan Insajderi.
Më tej thuhet se duke ruajtur kafshët, ruajmë natyrën dhe mjedisin ku jetojmë.
Shkrimi i plotë i IKShpk-së:
Ruani kafshët!
Ruani ariun!
Ruani natyrën!
Ruani mjedisin ku jetoni!
E keni ruajtur ekosistemin dhe shëndetin tuaj!
Ndërsa, Inspektorati i Agjencionit të Pyejeve, ka dhënë autorizim për vrasjen e këtij ariu, dhe një gjë e tillë pritet të bëhet brenda 15 ditëve.
Dëmet e shkaktuara në bagëti nga ariu kanë qenë temë diskutimi para disa dite në takimin e përbashkët ndërmjet Drejtorisë për Emergjencë dhe Siguri, Drejtorisë së Bujqësisë dhe Zhvillimit Rural, shoqatës “Sharri”, shoqatës “Bistrica”, Drejtorisë së Parkut Nacional, Policisë së Kosovës dhe ekspertëve të faunës në komunën e Prizrenit.
Teksa, Inspektorati i Agjencionit të Pyejeve ka dhënë autorizimin për vrasjen e ariut, kryetari i Prizrenit, Mytaher Haskuka ka thënë se nuk kanë vendosur ende se a do ta zbatojnë apo jo këtë vendim, shkruan Insajderi.
Ariu i shumëkërkuar po cilësohet nga banorët e Prizrenit pasi që kishte shkaktuar dëme nëpër fshatrat e kësaj komune. Një qytetar kishte raporuar se 28 copë dele i ishin vrarë nga ariu. Teksa një tjetër banor ka deklaruar se nga po i njëjti ari i ishin sulmuar mbi 5 koshere me bletë. Por, e gjitha nuk fillojë këtu më parë ishte raportuar se qytetarë të kësaj ane i kishin vrarë ariut të vegjlit e tij dhe prandaj ishte egërsuar dhe kishte filluar sulmin.
Në kërkim të ariut të murrmë kanë dalë edhe ushtarë të Kosovës./Insajderi.com
