Në Kosovë, sot janë shënuar edhe tri raste të reja me koronavirus.
Nga 91 raste sa ishin deri më tani, tash numri ka arritur në 94, shkruan Insajderi.
Tri rastet e fundit, janë dy me vendbanim në Prishtina dhe një nga fshati Kijevë i Komunës së Malishevës.
“Sot më 29.03.2020 në Laboratorin e Mikrobiologjisë Molekulare në IKSHPK me metodën RT-PCR, janë testuar 45 mostra të marra nga rastet në terren dhe nga rastet e hospitalizuara në Klinikën Infektive. Nga mostrat e marra për testim në virusin SARS-CoV-2, tre prej tyre kanë rezultuar pozitive. Rastet pozitive janë raste kontakti, dy prej të cilave me vendbanim në Prishtinë dhe një me vendbanim në fshatin Kijevë-Malishevë”, thuhet në njoftimin e IKSHPK-së./Insajderi.com