Kryetari i Sindikatës së Bashkuar të Arsimit, Shkencës dhe Kulturës, ka thënë se punëtorët e arsimit janë duke kërkuar që të trajtohen njëjtë sikurse mjekët dhe policët sa i përket ndihmës me mjete financiare gjatë kohës së pandemisë, njofton Insajderi.
Siç thotë Jasharaj, presin të zhvillojnë takim me kryeministrin gjatë këtyre javëve dhe të gjendet mundësia që edhe punëtorët e arsimit ta kenë një mbështetje.
“Punëtorët tash po kërkojnë që ashtu siç u veprua me të tjetër – si maltelbardhët dhe policinë, të ketë mbështetje edhe për personelin arsimor. Kërkesa është që të veprohet si me policinë edhe me arsimtarët dhe të kenë mbështetje prej 100 euro në muaj, edhe për rrezikshmërinë”, është shprehur Jasharaj.
“Kemi numër të madh të të prekurve. Shërimi ka kushtuar goxha shumë. Me 30 dhjetor kemi pasë takim me Ministrin Ramë Likaj dhe i kemi treguar se kërkesat janë nga punëtorët e arsimit. Presim takim me kryeministrin, presim të jetë javë aktive dhe të gjendet mundësia që edhe punëtorët e arsimit ta kenë një mbështetje”, ka thënë ai, raporton KK.
Jasharaj ka thënë se presin përgjigje pozitive nga Kryeministri Avdullah Hoti që t’i presë në takim.
“Uroj qe edhe kontrata kolektive të nënshkruhet javën e ardhshme. Në komunikim me kolegët janë shtuar kërkesat që të ndihmohen punëtorët e arsimit dhe nëse prolongohet kontrata kolektive atëherë këshillimi drejtues i SBASJK mund ta obligojë stafin që të shkojmë me veprime sindikale”. /Insajderi.com
