U njoftua se shqiptarët do të kenë katër deputetë në parlamentin serb. Megjithatë të dhënat e fundit thonë ndryshe.
Komisioni Zgjedhor Republikan i Serbisë njoftoi sot se bazuar në 70.57 për qind të materialit zgjedhor të përpunuar, në zgjedhjet e djeshme parlamentare më së shumti vota ka marrë partia e presidentit Aleksandar Vuçiq, derisa Alternativa Demokratike Shqiptare ka marrë 0.68 për qind të votave ose dy mandate.
Në zgjedhjet e djeshme votuan 2.122.773 qytetarë ose 50.32 për qind e elektoratit.
Drejtori i Byrosë së Statistikave Miladin Kovaceviq, tha se, sipas rezultateve të përkohshme zgjedhore, shtatë lista zgjedhore hyjnë në Parlamentin serb, katër prej të cilave janë pakica.
Një herë u raportuar se për herë të parë do të futen në parlamentin serb katër deputet shqiptarë, por tani lajmet e fundit flasin ndryshe.
