Katër persona të prekur nga pandemia COVID-19, kanë vdekur brenda 24 orëve të fundit në Shqipëri, njofton Insajderi.
Kështu është bërë e ditur nga institucionet shëndetësore të këtij vendi, të cilët në njoftimin e përditshëm lidhur me situatën e krijuar nga Coronavirusi, kanë njoftuar se përveç këtyre viktimave edhe 133 persona kanë rezultuar pozitivë në këtë sëmundje.
Të infektuarit e fundit ishin pjesë e 820 testimeve të bëra përgjatë kësaj periudhe kohore.
Ndërkaq, në po të njëjtën kohë janë shëruar edhe 75 pacientë të infektuar deri më sot. /Insajderi.com