Katër persona kanë vdekur si pasojë e infektimit me COVID-19, brenda 24 orëve të fundit në Kosovës, njofton Insajderi.
Kështu është bërë e ditur nga Instituti Kombëtar i Shëndetësisë Publike të Kosovës, nga ku tutje njoftohet se numri i rasteve pozitive të shënuara gjatë kësaj periudhe kohore ka shënuar rritje.
234 persona kanë rezuktuar pozitivë në testim së fundmi, nga gjithsej një mijë e 57 mostra të marra për testim.
Gjatë 24 orëve të fundit, janë shëruar 420 pacientë derisa numri i përgjithshëm i të shëruarve deri më sot është gjithsej 42.635 raste, kurse numri i rasteve aktive është 7.986.
“Rastet pozitive janë nga komunat: Prishtinë 125 raste, Prizren 31 raste, Fushë-Kosovë 13 raste, Mitrovicë 13 raste, Vushtrri 9 raste, Gjakovë 8 raste, Lipjan 6 raste, Malishevë 4 raste, Podujevë 4 raste, Drenas 3 raste, Ferizaj 3 raste, Dragash 2 raste, Gjilan 2 raste, Rahovec 2 raste dhe me nga nje rast komunat Graçanicë, Istog, Kamenicë, Kaçanik, Pejë, Shtime, Skenderaj, Suharekë dhe Viti”, thuhet në njoftimin e IKSHPK-së. /Insajderi.com
