Këshilltari i Presidentit të Kosovës, Hashim Thaçi, Bekim Çollaku, ka thënë se vazhdimi i dialogut Teknik, nën timonin e Bashkimit Evropian nuk është në interesin e Kosovës.
Përmes një shkrimi në llogarinë e tij në Twitter, Çollaku ka shkruar se duhet të ketë një marrëveshje përfundimtare politike me njohje reciproke.
“Vazhdimi i dialogut teknik, të udhëhequr nga BE-ja, nuk është në interesin e Kosovës. Ai është i dizajnuar të justifikojë kapituj të ri për anëtarësimin e Serbisë, duke e lënë Kosovën të ngujuar në status-quonë aktuale. Synimi duhet të jetë një marrëveshje përfundimtare politike me njohje reciproke”, ka shkruar Çollaku, njofton Insajderi.com.
Resumption of EU led technical dialogue is not in Kosovo’s interest. It is designed to justify opening more accession chapters for Serbia while leaving Kosovo isolated under the current status quo. The aim should be a final political deal with mutual recognition.
— Bekim Çollaku (@bcollaku1) July 18, 2020
Kreu i Qeverisë së Kosovës, Avdullah Hoti dhe presidenti i Serbisë, Aleksandar Vuçiq janë takuar të enjten në Bruksel, në vazhdimin e dialogut të ndërmjetësuar nga BE-ja.
Kritika rreth këtij takimi ka pasur të gjatë ditës së sotme edhe Partia Demokratike e Kosovës.
Gjatë një konference për media, Enver Hoxhaj nga PDK e ka quajtur takimin Hoti-Vuçiq të nxituar, ndërkaq Hotin të papërgatitur. /Insajderi.com/
